நிந்தவூர் இடம்பெற்ற வாகன விபத்தொன்றில் 6 பேர் உயிரிழந்துள்ளனர்.

நிந்தவூர்  அட்டப்பளம் பகுதியில் இன்று  இரவு 8.10 மணியளவில் இடம்பெற்ற வாகன விபத்தொன்றில் 6 பேர் உயிரிழந்துள்ளனர்.

இவர்கள் பயணம் செய்த முச்சக்கர வாகனம் மீது பஸ் ஒன்று மோதியதால்  முச்சக்கர வாகன சாரதி உட்பட 6 பேர் உயிரிழந்துள்ளனர்.

இறந்தவர்களில்  மூன்று பெண்கள், ஒரு ஆண், இரு சிறுமிகள்  அடங்குகின்றனர்.

முச்சக்கர வாகனத்தில் பயணம் செய்த ஐவர் ஸ்தலத்திலேயே உயிரிழந்துள்ளதாகவும் சிறுவனொருவன் படுகாயமடைந்து நிந்தவூர் மாவட்ட   வைத்தியசாலைக்கு கொண்டுவரப்பட்ட நிலையில் உயிரிழந்துள்ளதாகவும் தெரிவிக்கப்படுகிறது. ஏனையோரின் சடலங்கள் கல்முனை அஷ்ரப் ஞாபகார்த்த வைத்தியசாலைக்கு அனுப்பப்பட்டுள்ளன.

கல்முனைக்குடி 13 புதிய வீதியைச் சேர்ந்த எம்.எச்.ஜெமினா (35) எம்.எச்.இர்பானா (24), எம்.எச்.றிஹானா (26), அக்தாஸ் அஹமட் (ஒன்னரை வயது), அம்ஹர் அஹமட் (இரண்டரை வயது) ஆகிய பயணிகளும் முச்சக்கர வாகன சாரதி எம்.இஸட்டீன் (50)  ஆகியோரே இறந்தவர்கள் என இனங்காணப்பட்டுள்ளனர்.

மேற்படி பஸ் சாரதி கல்முனை பொலிஸாரினால் தடுத்துவைக்கப்பட்டு விசாரிக்கப்பட்டு வருகிறார்.