குற்றப்பிரேரணை குறித்து ஜனாதிபதி பேசவில்லை: சட்டத்தரணிகள் சங்கம்

அரசியலமைப்பில் திருத்தங்களை மேற்கொள்வதாக கூறிய ஜனாதிபதி மஹிந்த ராஜபக்ஷ குற்றப்பிரேரணை தொடர்பில் எதனையுமே தெரிவிக்கவில்லை. என்பதுடன்  நீதிமன்ற நடவடிக்கைகள் நாளை செவ்வாய்க்கிழமை முதல் வழமைப்போல செயற்படும். என்று இலங்கை சட்டத்தரணிகள் சங்கத்தின் செயலாளர் சஞ்ஜய கமகே தெரிவித்தார்.


சங்கத்தின் தலைவர் விஜயதாஸ ராஜபக்ஷ தலைமையிலான நீதிமன்ற வலயம் 11 சேர்ந்த நிறைவேற்றுக்குழுவின் அங்கத்தவர்கள் 30 பேர் அடங்கிய உறுப்பினர்களுக்கும் ஜனாதிபதிக்கும் இடையில் இடம்பெற்ற சந்திப்பு தொடர்பில் கருத்து தெரிவித்த போதே அவர் மேற்கண்டவாறு தெரிவித்தார்.

இந்த சந்திப்பு தொடர்பில் அவர் மேலும் தெரிவிக்கையில்,

பிரதம நீதியரசருக்கு எதிரான குற்றப்பிரேரணை விவகாரம் நிறைவடைந்துள்ளமையினால் அது தொடர்பில் பேச்சுவார்த்தை நடத்தவில்லை. என்றும் அவ்வாறான பிரச்சினைகளின் போது அடுத்து எடுக்கவேண்டிய நடவடிக்கைகள் தொடர்பில் கலந்துரையாடியதாகவும் அவர் சொன்னார்.
அதற்காக அரசியலமைப்பை திருத்துவதாக ஜனாதிபதி தெரிவித்தார். 



(tamilmirror)