ஆதிவாசிகளுக்கு 130 மில்லியன் நிதியில் 30 வீடுகளை நிர்மாணம்

தேசத்திற்கு மகுடம் அபிவிருத்தி திட்டத்தின் கீழ் அம்பாறை, மஹா ஓயா - பொல்வத்த கிராமத்தின் ஆதிவாசி மக்களை அபிவிருத்தி செய்யும் நோக்கத்தில் 130 மில்லியன் நிதியில் 30 வீடுகளை நிர்மாணிப்பதற்கான அடிக்கல் நடும் நிகழ்வு இன்று ஞாயிற்றுக்கிழமை இடம்பெற்றது.


தயட்ட கிருள்ள அபிவிருத்தி திட்டத்தின் தலைவரும் அமைச்சருமான ரஞ்சித் சியம்பலாபிட்டிய தலைமையில் நடைபெற்ற இந்நிகழ்வில் வீடமைப்பு மற்றும் நிர்மாணத்துறை அமைச்சர் வீரவன்ச, நாடாளுமன்ற உறுப்பினர்களான சரத் வீரசேகர, ஸ்ரீயானி ஜெயவிக்ரம, கிழக்கு மாகாண அமைச்சர் எம்.எஸ்.உதுமாலெப்பை மற்றும் அம்பாறை மாவட்ட செயலாளர் நீல் டீ அல்விஸ் உட்பட பலர் கலந்துகொண்டனர்.

மஹிந்த சிந்தனையின் தேசத்திற்கு மகுடம் தேசிய அபிவிருத்தி வேலைத்திட்டத்தின் கீழ் அனைத்து மக்களும் அனைத்து அபிவிருத்திகளையும் அடைய வேண்டும் என்ற நோக்கத்தில் ஆதிவாசி இந்த வீடமைப்பு திட்டம் நிர்மாணிக்கப்படவுள்ளன.

(tamilmirror)