லெபனானில் சிரிய நாட்டவர்கள் மீது கத்திக்குத்து

லெபனான் தலைநகர் பெய்ரூட்டில் சிரிய நாட்டவர்கள் மீது கத்திக் குத்து நடத்தப்பட்டுள்ளது. இதில் 20 பேர் காயமடைந்துள்ளனர்.

சிரிய நாட்டவர்கள் சென்ற பஸ் வண்டியை மூன்று கார் வண்டிகளில் வந்தவர்கள் தடுத்து நிறுத்தி சிரிய நாட்டவர்கள் மீது கத்தியால் வெட்டி தாக்குதல் நடத்தியுள்ளனர்.

ஜியர் அல் வாதி பகுதியில் 8 பேரளவில் இந்த தாக்குதலில் ஈடுபட்டுள்ளனர் என சம்பவத்தை நேரில் கண்ட ஒருவர் ஏ. எப். பி. செய்திச் சேவைக்கு விபரித்துள்ளார். குறித்த சிரிய நாட்டவர்கள் இசைப்பதிவு ஒன்றுக்காக இசை அரங்குக்கு சென்று கொண்டிருந்தவர்கள் என லெபனானின் தேசிய செய்தி நிறுவனம் கூறியது.

சிரியாவில் தொடரும் மோதலை ஒட்டி லெபனானிலும் பதற்றம் நீடிக்கும் நிலையிலேயே இந்தத் தாக்குதல் இடம்பெற்றுள்ளது. லெபனானின் ஷியா முஸ்லிம்கள் சிரியாவின் ஜனாதிபதி பஷர் அல் அஸாத் அரசுக்கு ஆதரவாக செயற்படுவதோடு, சுன்னி முஸ்லிம்கள் கிளர்ச்சியாளர்களுக்கு ஆதரவாக செயற்பட்டு வருகின்றனர்.

(மூலம்: http://www.thinakaran.lk/2013/06/27/?fn=w1306277 )