நாடாளுமன்ற தெரிவுக்குழுவில் தமிழ் தேசிய கூட்டமைப்பு கலந்துகொள்ளாது: சுரேஷ்

தேசிய பிரச்சினைகள் தொடர்பில் ஆராய்ந்து தீர்வு காண்பதற்காக நியமிக்கப்பட்ட நாடாளுமன்ற தெரிவுக் குழுவில் தமிழ்த் தேசியக் கூட்டமைப்பு கலந்துகொள்ளப் போவதில்லை என ஏகமனதாக தீர்மானிக்கப்பட்டதாக நாடாளுமன்ற உறுப்பினர் சுரேஷ் பிரேமச்சந்திரன் தெரிவித்தார்.

 

தமிழ்த் தேசியக் கூட்டமைப்பின் கலந்துரையாடல் ஒன்று இன்று மாலை இடம்பெற்றது. இக்கலந்துரையாடல் பற்றி வினவியபோதே அவர் மேற்கண்டவாறு தெரிவித்தார்.

 

இன்றைய சந்திப்பில் தமிழ்த் தேசியக் கூட்டமைப்பில் அங்கம் வகிக்கும் கட்சிகளின் பிரதிநிதிகள் அனைவரும் கலந்துகொண்டனர். ஆனந்த சங்கரி கலந்துகொள்ளவில்லை. இருந்தபோதிலும் தொலைபேசியில் தொடர்புகொண்டு தனது முழு ஆதரவினை வழங்குவதாகத் தெரிவித்தார். இதற்கமையவே நாடாளுமன்ற தெரிவுக்குழுவில் தமிழ்த் தேசியக் கூட்டமைப்பு கலந்துகொள்வதில்லை என ஏகமனதாக தீர்மானிக்கப்பட்டது என்றும் நாடாளுமன்ற உறுப்பினர் சுரேஷ் பிரேமச்சந்திரன் மேலும் தெரிவித்தார்.

(மூலம்: http://tamil.dailymirror.lk/pirasitta-seithi/72947-2013-06-29-16-26-40.html )