-அழகன் கனகராஜ்நீதியரசர்கள் தமது விருப்பத்தின் பிரகாரம் தீர்ப்புகளை கொடுத்த காலம் ஒன்று நாட்டில் இருந்தது. அந்த தீர்ப்புகளில் சில தீர்ப்புகள் தவறானவை என்று ஓய்வு பெற்றதன் பின்னர் நீதியரசர்கள் கூறுகின்றனர். அவற்றையெல்லாம் ஏற்றுக்கொண்டிருந்த காலம் ஒன்றிருந்தது. தற்போது கூறுவதையெல்லாம் ஏற்றுக்கொள்வதற்கு 'களிமண் மூளை கொண்டவர்கள் நாட்டில் இல்லை' என்று சட்டத்தரணி ஸ்ரீநாத் பெரேரா தெரிவித்தார்.
கொழும்பில் நேற்று செவ்வாய்க்கிழமை நடைபெற்ற ஊடகவியலாளர் சந்திப்பில் கலந்துக்கொண்டு கருத்து தெரிவித்த போதே அவர் மேற்கண்டவாறு தெரிவித்தார்.
அங்கு அவர் தொடர்ந்து தெரிவிக்கையில்,
உயர்நீதிமன்றத்தின் வியாக்கியானத்தின் பிரகாரம் தற்போது முன்னெடுக்கப்படும் நடவடிக்கையானது அரசியலமைப்பிற்கு முரணானதாகும். அது சாதாரண மக்களுக்கும் தெரியும்.
குற்றப்பிரேரணை மற்றும் நாடாளுமன்ற தெரிவுக்குழு விவகாரத்தில் யார் வெற்றிப்பெற்றார். யார் யார் தோல்வியடைந்தனர் என்பது பிரச்சினையல்ல. நாட்டின் உயரிய சட்டமான அரசியலமைப்பை சகலரும் மதிக்கவேண்டும். ஆகையால் இந்த விவகாரத்தில் ஜனாதிபதி தனது அதிகாரங்களை பயன்படுத்தி இந்தவிவகாரத்தை இதற்கு மேல் கொண்டுச்செல்லாமல் நிறுத்தவேண்டும். அவ்வாறு நிறுத்தினால் அது நாட்டுக்கும் மக்களுக்கும் கிடைத்தவெற்றியாகும்.
களிமண் மூளை கொண்டவர்கள் நாட்டில் இல்லை என்பதனால் இந்த விவகாரத்தை இதற்கு மேலும் கொண்டுசெல்வது நாட்டின் இறைமை மற்றும் ஒருமைப்பாட்டிற்கு உகந்தது அல்ல என்றார்.
(tamilmirror)
No comments:
Post a Comment
உங்கள் கருத்துக்கள் வரவேற்கப்படுகின்றன.