தமிழகத்திலிருந்து கடல்வழியாக வந்த ஏழு பேரும் பிணையில் விடுதலை

தமிழகத்திலிருந்து கடல் வழியாக சட்ட விரோதமான முறையில் இலங்கை வந்த 7 பேரும் பிணையில் விடுதலை செய்யப்பட்டுள்ளனர்.

இரண்டு சிறுவர்கள் ஒரு சிறுமி உட்பட 7 பேர் கடல் வழியாக இலங்கைக்குள் வந்த போது கடற்படையினரால் கைது செய்யப்பட்டு தலைமன்னார் பொலிஸாரிடம் ஒப்படைக்கப்பட்டனர்.

வட மத்திய மாகாணத்தின் தம்மென்னா கடற்படைத் தளத்தின் கடற்படையினரின் தேடுதல் நடவடிக்கையின் போதே மன்னார் கடற் பிரதேசத்தில் வைத்து இவர்கள் 7 பேரும் கைது செய்யப்பட்டுள்ளனர்.

இவர்களிடமிருந்து நகை, பணம் உட்பட உடைமைகளும் கைப்பற்றப்பட்டுள்ளன. தலைமன்னார் பொலிஸார் இவர்களை நீதிமன்றத்தில் ஆஜர் செய்த போது சரீரப் பிணையில் விடுதலை செய்யப்பட்டதுடன் எதிர்வரும் ஜனவரி 31ம் திகதி மீண்டும் நீதிமன்றத்தில் ஆஜராகுமாறும் உத்தரவிடப்பட்டுள்ளது.

(thinakaran)