வடக்கில் படைமுகாம்களை முழுமையாக அகற்றவேண்டுமென கூறவில்லை: சம்பந்தன்

வடபகுதியிலிருந்து படைமுகாம்களை முழுமையாக அகற்றவேண்டுமேன்றோ விலக்கிக்கொள்ள வேண்டுமென்றோ நான் ஒருபோதும் கூறியதில்லை. இவ்வாறு தமிழ்த் தேசியக் கூட்டமைப்பின் தலைவர் இரா.சம்பந்தன் நாடாளுமன்றத்தில் இன்று தெரிவித்துள்ளார்.

வடக்கில் நிலைகொண்டுள்ள இராணுவத்தினர் தங்களின் வரையறைக்குள் இருந்து செயற்படவேண்டும். அந்த வரையறைகளை அவர்கள் மீறி நடக்கக்கூடாது. இதற்காக வடக்கில் நிலைகொண்டுள்ள இராணுவத்தினரை முழுமையாக வெளியேற்ற வேண்டும் என நான் ஒருபோதும் கூறியதில்லை. இருப்பவர்கள் அவர்களின் நிலையுணர்ந்து செயற்பட வேண்டும் என்றும் அவர் மேலும் கூறினார்.

தமிழ் மக்களை அங்குள்ள இராணுவம் அடக்கி ஆள்வதை, தாம் இந்த நாட்டில் சமமான பிரஜைகள் அல்ல என நினைக்க செய்வதை நாம் விரும்பவில்லை. எமது மக்கள் சுயமரியாதையுடனும் கௌரவத்துடனும் வாழ விரும்புகின்றனர்.
ஆயுதப்படையினர் நாட்டின் ஏனைய பகுதிகளில் இருப்பதை போல அவர்கள் இங்கு இருக்கவேண்டும்.

வுடக்கில் வௌ;வேறு பகுதிகளில் 1,50,000 ஆயுதப்படையினர் இருக்கின்றனர். இதனை ஏற்கமுடியாது மட்டுமன்றி தேவையற்ற ஒன்றாகும்.

யுத்தத்திற்கு முன்னர் இருந்த இடங்களில் மட்டுமே அவர்கள் இருக்கவேண்டும். அவர்கள் புலனாய்வு செய்யலாம், கண்காணிப்பு நடவடிக்கைகளை மேற்கொள்ளலாம். ஆனால் அவர்கள் எமது மக்களின் வாழ்விற்கு குந்தகமாக இருப்பதை எம்மால் ஏற்றுக்கொள்ள முடியாது என்றார்.

நாடாளுமன்றத்தில் இடம்பெறும் பாதுகாப்பு அமைச்சு மீதான குழுநிலை விவாதத்தில் கலந்துகொண்டு உரையாற்றுகையிலேயே இரா.சம்பந்தன் மேற்கண்டவாறு கூறியுள்ளார்.

(tamilmirror)