(றிப்தி அலி)முஸ்லிம் தனியார் திருத்தச் சட்டமூலம் விரைவில் அமுல்படுத்தப்படும் என நீதி அமைச்சர் ரவூப் ஹக்கீம் தெரிவித்தார்.
இலங்கையில் முஸ்லிம்கள் சிறுபான்மையினராக வாழ்கின்றனர். எனினும் இந்த திருத்தச் சட்டமூலத்தை அமுல்படுத்துவதற்கான பூரண அனுமதியை அரசாங்கம் வழங்கியுள்ளது என அவர் குறிப்பிட்டார்.
எமது மூதாதையர்களினால் இந்த சட்டம் பல தசாப்தங்களுக்கு முன்னர் எமது நாட்டில் அறிமுகப்படுத்தப்பட்டது. இது எமக்கு கிடைத்த ஒரு வரப்பிரசாதாமாகும் எனவும் ஸ்ரீலங்கா முஸ்லிம் காங்கிரஸ் தலைவர் ஹக்கீம் தெரிவித்தார்.
எனினும் இந்த சட்டமூலத்தில் சில குறைபாடுகள் காணப்படுகின்றன. இதனை தற்காலத்திற்கு ஏற்ற வகையில் மாற்றி அமைக்க வேண்டிய தேவை உள்ளது எனவும் அவர் குறிப்பிட்டார்.
எனவே இந்த சட்டத்தில் மேற்கொள்ள வேண்டி திருத்தங்கள் தொடர்பில் ஆராய்வதற்கு உயர் நீதிமன்ற நீதியரசர் சலீம் மர்சூப் தலைமையில் குழுவொன்று நியமிக்கப்பட்டுள்ளது என அமைச்சர் ஹக்கீம் தெரிவித்தார்.
ஸர்மிளா ஸெய்யத்தின் சிறகு முளைத்த பெண் எனும் கவிதை நூல் அறிமுக விழாவில் பிரதம அதிதியாக கலந்துகொண்டு உரையாற்றும் போதே அவர் மேற்கண்டவாறு குறிப்பிட்டார்.
(tamilmirror)
No comments:
Post a Comment
உங்கள் கருத்துக்கள் வரவேற்கப்படுகின்றன.