ஜெருசலேமில் இஸ்ரேலியர் ஒருவர் சுட்டுக் கொல்லப்பட்டதால் பரபரப்பு!

ஜெருசலேமில் அமைந்துள்ள யூதர்களின் புனித ஸ்தலங்களில் ஒன்றான மேற்குச் சுவர் பகுதியில் வைத்து இஸ்ரேலியர் ஒருவர் சுட்டுக்கொல்லப்பட்டுள்ளார்.

இதனால் அப்பகுதியில் பெரும் பரபரப்பு ஏற்பட்டுள்ளது.
குறித்த நபர் " அல்லாவு அக்பர்" எனக் கத்தியதாகவும் இதனால் குறித்த நபர் பலஸ்தீன போராளியாக இருக்கலாம் என்று சந்தேகித்த பாதுகாப்பு உத்தியோகத்தர் அவர் மீது துப்பாக்கிப்பிரயோகம் மேற்கொண்டதாகவும் தெரிவிக்கப்படுகின்றது.
அந்நாட்டு நேரப்படி காலை 8 மணியளவில் மேற்படி சம்பவம் இடம்பெற்றதாகவும் இதன்போது பலர் வழிபாட்டில் ஈடுபட்டிருந்ததாகவும் தெரிவிக்கப்படுகின்றது.
துப்பாக்கிச் சூட்டையடுத்து குறித்த பகுதி 1 மணித்தியாலத்துக்கு மூடப்பட்டுள்ளது.
இதேவேளை சுட்டுக்கொல்லப்பட்ட நபர் மனநிலை பாதிக்கப்பட்டவர் என ஊடகங்கள் சில தெரிவித்துள்ளன.

இச்சம்பவம் தொடர்பில் மேலதிக விசாரணைகள் தற்போது முன்னெடுக்கப்பட்டுள்ளன.

(மூலம்: http://www.virakesari.lk/article/world.php?vid=741 )