அரசாங்கம் குண்டர்களின் பயிற்சி நிலையமாக மாறியுள்ளது: கயந்த

அரசாங்கம் குண்டர்களின் பயிற்சி நிலையமாக மாறியுள்ளதாக ஐக்கிய தேசியக் கட்சியின் பேச்சாளர் கயந்த கருணாதிலக்க குற்றஞ்சாட்டியுள்ளார்.

நவகத்தேகம, நவோதைய பாடசாலையின் ஆசிரியை ஒருவரை முழந்தாளிடவைத்த வடமேல் மாகாணசபை உறுப்பினர் சரத்குமாரவின் செயலை கண்டித்தே அவர் இவ்வாறு தெரிவித்தார்.

இது தொடர்பில் அவர் மேலும் தெரிவித்துள்ளதாவது,

'இன்று நாட்டில் இடம்பெறும் அநேகமான குற்றங்கள் ஐக்கிய மக்கள் சுதந்திர கூட்டமைப்பின் மாகாண சபை உறுப்பினர்களால் இழைக்கப்படுபவையாக உள்ளன. 

கொலை, வல்லுறவு போன்ற குற்றச்சாட்டுக்களில் ஈடுபடுபவர்களாக ஐக்கிய மக்கள் சுதந்திர கூட்டமைப்பின் மாகாணசபை உறுப்பினர்கள்  உள்ளனர்' என்றார்.

(மூலம்: http://tamil.dailymirror.lk/2010-07-14-09-13-23/71173-2013-06-17-08-52-22.html )